بحزن
ما انا اصلي طينه
مش مبني علي احجار
بتكسف
ووشي فجاه يبقي احمر
رغم اللسان اللي معرفش طوله
في وسط اوقات الهزار
بحب قيمتي ونفسي غاليه
قلبي ابيض راسي عاليه
متعرفش الانهزام
ما شفتش الانكسار
وبرغي كتير وبتكلم
واضحك واضحك ناس
لحد ما يروح النهار
هي بس الشمس تغيب
ياتي الليل
ثم ضميري مع التانيب
تاتي حكايا شهريار
...........
مره فارس
ذبح ديك
وقتل ارنب
ومره شاي
و10 قهوه
في 6 سحلب
مره نمله
ركبت فيل
و شالت فار
هوبا يطلع النهار
فاضحك واضحك ناس
من الأساس
بيكبو زيت عالنار
انا مش حمار
انا مطنش
انا فله انا مفرفش
انا حقيقي مستمع
بعمل حوار
كانوا يجو ميه
قعده حلوه
ولمه حلوه
وناسها حلوه
ميه ميه
صفصفت علي 4 انفار
يروح صاحبنا (1) عشان ينام
عنده شغل بالنهار
يقوم اخينا (2)
يسيب اخينا (3)
ويروح لأخينا (4)
تهامسات
ضحك كتير
قهقهه
تشاحنات
ويبصوا لأخينا (3) باستمرار
حوار ظريف
سيجال سخيف
ف اخينا (3) يحس با استهتار
والاخ (2) مكمل وشوشه
ف اخينا (3) يبص باستحكار
مع علو صوت
يقوم اخينا (3)
يمد ايده علي اخينا (2)
يروحً اخينا (4)
بدل مايصلح
ويبقي شهم
ويبقي مصلح
يكب زيت عالنار
هوبا خلاص فركشه
قلبت حوار
ف احزن ويضحك ناس
من الأساس
بيكبو زيت ع النار
