مش باقي منك غير الم
مع ذكريات وحبه ندم
وكلمتين شعر وغزل
وكتاب قديم وقلم رصاص
كل ما ابريه بيتكسر
وكانه عاش اللي حصل
عايش معايا علي الحطام
حاولت المه واجمعه
واشيله في رف الكتب
مع ذكريات وحبه ندم
وكلمتين شعر وغزل
وكتاب قديم وقلم رصاص
كل ما ابريه بيتكسر
وكانه عاش اللي حصل
عايش معايا علي الحطام
حاولت المه واجمعه
واشيله في رف الكتب
رفض القلم عهد السلام
وسالته بس ايه السبب
رفض الجواب منع الكلام
سالته تاني ايه السبب
صرخ بصوت صحي النيام
وكانه رافض العتب
عايش في حاله اكتئاب
وحلف ما حرف ينكتب
غير لما اغير الكتاب
ولانه كان اخر كتاب
معرفتش ياقلم اغيره
قدرك معايا اتحمله
ومدام بدانا سوا طريق
معايا لاخره تكمله
لو كان بايدي ياقلم
مكنتش انوي اعذبك
في سمك عمره يا قلم
بايده كان دخل الشبك
انا اصلا مغصوب عالتعب
مع كامل حزني والعجب
مش باقي منك غير قلم
وكتاب علي رف الكتب
وعشان اكون منك برئ
ولعت فيهم بالحطب
ونسيت وجودك ف الحياه
وسمعت ماتش المنتخب
وبرغم كل اللي حصل
بعترف اني اتهزمت
واقسمت انك منتصر
بلاش تعيش دور الجبان
مبروك عليك دور البطل
مفضلش باقي غير فشل
مع كلمتين شعر وغزل
