ديسمبر
انت حلم لأي حد
متخليش من حد حلمك
لما الشيله تبقي جامده
كله هيقول لا دا حملك
كله هيسيبك ويمشي
كله من حزنك يمل
هو حملك شيله وحدك
بكره هتعدي المواقف
بعده راح تنسي الزعل
اوعي تزعل من اللى يمشي
بلاش تقول عليه اناني
هو كان الله بعونه
اصله شايل حمل تاني
حمله ممكن يبقى اصعب
من الحمل اللى انت شايله
كل واحد ليه همومه
طبطب علي قلبك وحايله
واللي جاي يقول هساعد
وناوي يحسبها جميله
قوله لا متشكرين
شايلك انت للتقيله
انا حملي هشيلة وحدي
لسه فى_ فى اليد حيله
هعرف اصلب طولي تاني
قادر اقف من جديد
يعني تغور المساعدة
كان قريب او كان بعيد
عشان انت حلم لاي حد
متخليش من حد حلمك
مهما كانت الشيلة جامده
انت برضو قد حملك
روابط اخري للمدونة