إلي خيالي
خيالي العزيز
واما بعد
......
انا استمتعت بوجودك
وبمواقفك وبوعودك
وكلامك اللي مليان كدب
حقيقي سعدت بوجودك
فروح والله لا يعودك
يا ابن الكلب
عارف ما تيجي تاني مره
وتقولي تعال نتفسح
تحب الجنة تكون صفرا
ولا لون الخضار ابرح
وتفضل تندهلي تعال
ياواد اجري
تعال ارمح
وعقلي يقولي استني
بلاش تفرح
خناقه عقلي الكبرى
مع الاعضاء
اساسها عدم الاتفاق
بيتشرط بروح امه
ويتامر ويتانزحً
ويتنك ويتنطط
بيقول لعين لا تبصي
ويامر رجلي تتاني
ويقول لكفوفي ما تخبط
ويتنك بروح امه ويتنطط
ياسيدي خلاص هنتفاهم
موافق عيني ما تبصش
علي الهفوات
وحاضر رجلي تتآني
مع الخطوات
فسيب الكف يتمختر
علي البهوات
موافق ابقي انا الغلطان
وانا السعران وانا الهلفوت
وانا النصاب وانا السكران
وانا التلفان وانا الشحات
وتامر كفي مره بس
يدلع علي البهوات
ولسه العقل بيعاند
وبيامر ايدي ماتطول
وبرضو كفوفي بتعاند
وتقوله ياض ياعقل اعقل
يا اما تسيبني اتمختر
يا اما تفارق وترحل
وتتسوح
ولسه خيالي بينادي
تحب الجنه تكون صفرا
ولا لون الخضار ابرح
ولما رديتله الندا
وقولتوا انا جاي وبمرح
شاورلي وقالي تتعوض
انا اتاخرت وهروح
مفيش اصلا يا واد جنه
بلون اصفر ولا اخضر
تحب جنه لون تاني
بلون اغمق ولون افتح
فهتنرل وتسيب اللعبه
ولا انت حابب تتمرجح
وقالها وهو بيتمسخر
انا اتاخرت وهروح
خيالي العزيز
واما قبل
مفيش مانع
يدوم الفصل
وحقيقي سعدت بوجودك
وبمواقفك وبوعودك
وكلامك اللي مليان كدب
فروح والله لا يعودك
يا ابن الكلب
M_A_N#
Mahmoud Hanfy
روابط اخري للمدونة