غمضت عيني وكان
نفسي احلم بفرحه
نفسي اشوف الضحكة
عالوشوش دی طارحه
نفسي اشوف الشمس طالعه
معاها ضحكه ساطعه
نفسي امسح الخدود
من كل دمعه حزن
نازله من عيون
كحيله حلوه
نفسى اشوف الايد
عشر صوابع
يعنى بجد ايد واحده
نفسي اشوف معنى التسامح
حد الظالم والثاني سامح
قلب ظالم بالفتن
وقلب صابر في المحن
وقلب يدعي بالهداية
رغم انه اتظلم واتحرم
وسره مات واندفن
نفسي أشوف عيون برينة
ما فيهاش ای خداع
قلب صافی نوره ساطع
غطي على الفين شعاع
والقلوب واقفه مرايا
تعكس الضوء للصبايا
عشان تشوف
من غير خوف
ويفهموا ايه الحكاية
يا حلم سيبني وروح لحالك
اطبق قانون الغاب
کله ماشی مخون نفسه
كله طلعت له انياب
حقك يا تاخده يا تسامح
واقفل لعذابك الباب
لا حد سامعك ولا فاضيلك
مفيش رؤيه الجو ضباب
ولا يمكن ضمرينا يصحى
ونلاقي لسؤالنا جواب
ليه الناس دايما بتعادي
بعد ما كانوا زمان أحباب ؟؟؟
Mahmoud Hanfy
