حلو الوجع لما يعلم
زي الامل لما يخيب
تغلبك دمعه عيونك
تصبح الرؤية ضباب
والقمر نوره مضلم
لا انت عارف فين تروح
هتشكي ايه ولمين تبوح
واللي باقي من الحياه
خيبه امل مع كسر روح
ولاشايف ولا بتتكلم
حلو الوجع لما يعلم
ولسانك الصاحي العجيب
يغلبه همك وحزنك
فجاءه تبقي واحد غريب
عجوز هرم ساكت صنم
لجل ما يهدي صراخك
لجل ما تبطل تتالم
حلو الوجع لما يعلم
تبقي ليهم طوق نجاه
يغرقوك
تدعي ليهم بالسعاده
ف الحياه فيقتلوك
توهب العمر وسنينه
لاجل ما تجبر خاطرهم
وربنا يتمم شفاهم
يكسروك
يعني مين انت يا خايب
وسط اعيان القبايل
قاعد بتوزع جمايل
مستني منهم يشكروك
دا انت عبد من العبيد
ولولا انهم اجاويد
ف اي سوق كانوا
باعوك
ف اكتم الالم وكمل
وافتكر انه بيمهل
ف ارميها لربك وسلم
