من غير جناحات

وبطير من غير جناحات

وبداوي جراح بسكات

وبدندن في اغاني اهات
وبقول بكره هتتعدل

وتزوررني مخاوفي ساعات
تنصحني بحاجات وحاجات
وحزين نغمك يا نايات
راميني ف حيره متحير

وياخدني شتات لشتات
واتوه وسط الحكيات
واجمع افكاري رفات
مين عالم يمكن تتيسر

والدنيا تبعتلي ايات
احزان اقلبها نكات
والاقيني بكل ثبات
بقول بلاش تغيير

واصبر نفسي بروايات
عن فارس حاكم ولايات
ولا ضره عدد الضربات
مع انه كان لسه صغير

واسرح ف خيالي وابات
وارتب افكاري بنات
واقوم من نومي واحاول
اطير من غير جناحات
مع اني قايم متكسر